|
أطباقي اللذيذة ، سوشي + حلا ❥
مساكم مواهب ،، طبعاً اللي ماتعرفونه اني بتاع كلو ،، يعني متعددة المواهب و اعرف اطبخ :96: <- لا ياشيخه و بما ان رمضان بيشرفنا الله يبلغنا اياه على خير و بين احبابنا ،، اعطيكم هالوصفتين :51: الطبق الاول : سوشي :58: المقادير : ورق عنب صدور دجاج جزر فلفل رومي رز مصري ،، نقطع الفلفل الرومي و الجزر و الدجاج طويل طويل <- تكلم الشغاله خخخ و نسلق كاس رز مصري على كاسين مويه ،، طبعاً نحط الملح ،، نحط اربع ورقات من ورق العنب بالشكل اللي انتو شايفينه ،، و نحط الرز و الفلفل الرومي و الجزر و الدجاج ،، و نلفها رول ، ننتبه اننا نقفل جوانبها ،، قبل ما انسى : الرز بعد ما ينسلق ،، حطو عليه شوي خل ، و فلفل اسود نجهز الصينيه اللي بنرص فيها رولات السوشي ،، و نغلفها بالبطاطس و البصل حتى جوانب الصينيه و تطلع بذا الشكل ،، نجهز السقو او الصوص ،، مقاديره: ٢ كاس مويه حاره مكعب ماجي ربع كاس عصير ليمون ملعقه كبيره دبس الرمان و نحطه على رولات ورق العنب ،، و نغطي الصينيه بقصدير و نحطها ف حمام مائي و ندخلها الفرن لمده ساعه ،، او ساعه الا ربع ،، بعد ما نطلعها من الفرن و تبرد شوي ،، عشان تقدرون تقطعونها ،، لازم السكين تكون حاده مره او السكين المشرشره <- تقولون مشرشره زينا http://www.al2la.com/vb/images/al2la...onTaseR_49.gif و تطلع بذا الشكل ،، .. الطبق الثاني : حلا نوره <- ما تدري وش تسميه خخخ المقادير : بسكوت دايجستف ٣ قشطات ربع كاس مويه ٦ حبات جبنه كيري ٣ ملاعق حليب بودره ٤ ملاعق سكر نخلط الـ كيري + حليب + سكر + ٢ قشطه ،، الين يتجانس الخليط ،، ،، نطحن ٣٠ بسكوته من الدايجستف ،، نعجن الدايجستف المطحون مع علبة قشطه و شوي مويه اقل من ربع الكاس ،، وبعدين نحطه ف صينية القوالب ،، و ندخله الفرن الين يتماسك البسكوت ،، و نطلعه <- لا و الله خخ بعدين نكسر بسكوت الاوريو قطع صغيره على قد القالب ،، و بعدين فوقه نحط الخليط الابيض ،، هذي الصوره صورتها بنتي :58: ،، و هذا شكله النهائي ،، و بكذا انتهيت ،، ان شاءالله تعجبكم طبخاتي ،، ،، |
ابو حرفتين مستحيل ينجح
خليك على حرفة التصميم اصرف<تحطيم:35: والله تطورتي ي حزن وصرتي طباخه وحركات ماشاءالله اعجبتني الصورة اللي الكريمه تنزل من فوق لتحت ذكرتني فمدري ويش يوم كنت صغير(: |
و اذا نجحت !
الفن بحر و لازم نبحر فيه <- ما يتحطمون خخ اشكرك |
وصفاات رووعه يالغلا
تسلم ادينك .. ولك ١٠٠ مشاركة وتقيم |
ماشاء الله ايش الابداااع هذا
تسلم الايادي |
ابداع يالنووور
وش هالجمال تسلم يدينك ياعسسل واهم شي الحلا يدوووخ |
اقتباس:
الله يسلمك و شكراً على كل شي |
اقتباس:
و ما شفتي شي بعد *مستحي* |
اقتباس:
الابداع منك و فيك ، شكراً لك |
ماشاء الله
اطباق تجنن وتشههههي تسلم ديااتك يارب ،، استمري والله يكثر من حرفك الفنانه ي فنانه |
| الساعة الآن 02:30 PM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.