|
لاعندك من الاحساس ذرّه
لاعندك من الاحساس ذرّه لا تسل عن ضيقة ايامي وقلبي لا تمره ضاعت دروبك على اخر ليل وجروحي عطايب وان لمحت اسمي ترفّق به وبادله المبره كثر مابادلك شوق وكثر ما ودّعك هايب لك على يمة عروق القلب يالمغرور جره ماتواريها السنين ولا تغيرها النوايب والله ان قربك يسر الروح وفراقك مضره وأنت علّة خافقي وأنت القريب من القرايب ماقدرت اتوب عن ذكرك وعن حلوك ومره ليه عن ذبح الغلا ياصاحبي مانته بتايب؟ هاك ميزان الجروح وقيسها ذرة بذرة ماوزنت الا غلاك ولا طعنت الا الحبايب كل مايطري علي ظلمك تشب الكبد حره كن في صدري رماح القوم وسيوف وحرايب كيف ابنسى ليلة زعزعت قلبي من مقره انفرت كبدي وخفاّقي غدا قبر ونصايب هلت دموعي وحلّفتك بربك الف مره يابن آدم خف من الله ماورا ذبحي كسايب أنت شخصٍ ماقدرت استوعبه خيره وشره من عرفتك والدموع دموع والخفاق ذايب لا تصدق كذبة الايام في وجه المسره بسمة في عين طفل ودمعة في عين شايب وان تذكرت الهنوف اللي على صوتك تشره ضمها في صدرك الموحش وعرّضه الهبايب انكسر حلم الليال وطاحت نجوم المجره أبتدت شمس وتوارت شمس وجروحي عطايب انت ماتدري ولاعندك من الاحساس ذرّه أشهد ان مصيبتى بك من عظيمات المصايب |
يسلمو ع الطرح
يعطيك العافيه |
كلمآت وأبيآت رآقيه برقيك
ذآئقه رآئعه من روآئعك الدآئمه لك ياسمينه ندية مودتي |
الروعة في مرورك
|
لك كل الشكر على الأختيار الرائع
لاعدمنا هذا التميز بانتظار جديدك بكل شوق ودي وعبير وردي السموك الكريم اخوك سلطان |
سلمت يمناك على الانتقاء الاكثر من رائع
ولاحرمنا جديدك الشيق تحياتي لسمو شخصك الكريم |
ذائقه قيمه وانتقاء راقي
سلمت اكفك ادرجت للامل ابداع فاق الوصف |
| الساعة الآن 10:38 AM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.