منتديات أمل عمري - مهما يكون الشعور اللي علي بادي

كلمات بمداد الذهب للشاعر عبدالرزاق الهذيل من شعراء منطقة الجوف كتب هذه الشامخه عندما قرأ تصنيف احد الشعراء الاعتباريين بالمملكه وانه ليس من العشرة الاوائل رفض دعوة احدى القنوات عندما علم ان الامسية تجمعه مع ذلك الشاعر الذي احيانا يشتري الشعر
ولذلك تم تهميشه عن الاعلام فترة من الزمن
.................................................. ..
مهما يكون الشعور اللي علـي بـادي

لا زلت انا الوارد اللي ماطـوى حبلـه

على القـراح الزلالـي طـال تـردادي

اشرب واصدر ظما مدري وش اشرب له

يا من تغاربتي غيابـي وهـو عـادي

بُعد الرجل عن دواعي ذله اهيـب لـه

ماامشي قبل لا اعرف الوجهه بلا قادي

ولا صلـي الا وانـا متقبـل القبـلـه

منزالي النايفه عـن حـدري الـوادي

ورجل(ن) يجي في مسيل السيل يا هبله

أبعدت مالي غـرض فـي ذل مقعـادي

ما دام يلعب لي الذعـذاع والعـب لـه

ماني لعرفي مع اهل العـرف متـرادي

لاشك كبدي من اللـي شفـت مندبلـه

يا لاقيـة خيـر هـاك العلـم للغـادي

اللي عجز يفرق الشيحه مـن الربلـه

أمانتـك بلغـيـه لـكـل حـسـادي

لا غارت الكدش وكحيـلان باصطبلـه

أنا أول العشر مانـي للعشـر حـادي

مالك ومال افتـراض الجاهـل الأبلـه

يموت انا حاسدي مـا ياصـل ابعـادي

منّي نجوم السما لو يفهـم اقـرب لـه

ولابد ما الهايج المايـج يجـي هـادي

وكل(ن) يشوف المكان اللي يناسب لـه

إن مت مات النبـي وآبـاي واجـدادي

وما دام لي يوم ماني ميّـت(ن) قبلـه