منتديات أمل عمري - يحس بغيابك

.

..

يا طيب شخصٍ ليا حس بغيابك يجيك
ولاجاك كنه يقول إني وفي من وفاك
اللي يدينه ليا من طحت تقضب يديك
واليا وقف ماتفاخر عند هذا وذاك
ترى الوفي في غيابك لو حكوا يحتميك
وفمزارق الطيب وعلوم الوفا مانساك
واحقر بشر من يضحك بك ويضحك عليك
وإليا زعلت وصدمته قال لك من غلاك
شخصن ينقصك عند الناس مايشتهيك
والله مايشتهيك ولادرى عن سماك
إعرف هالاشكال لو تثقل عليها تجيك
بعض الاوادم يحبك لاعطيته قفاك
ومن يحترم رفقتك ويصونها مشتريك
هذا تحطه قدم وجهك ولاهو وراك
ومن يوصلك بد خلق الله وجا ينتخيك
لو ماهقى فيك هقوة ماتعنى وجاك
إفزع ومن حط هقواته بفعلك يبيك
توقف معه واشتره بالروح يومه شراك
لامت محدٍ خويك لا ابن عم وشريك
ما راح تاخذ سوى اعمالك وذكرك معاك

الشاعر مبارك الحجيلان