((نذر عليه حبكم فاق حده))
 

نصحتها يا بنت ماني ........... نديدك
بيني وبينك فارق السن ......... مدة
سنين عيدي ما هي بسنين . عيدك
جاك الصحيح ولا نوينا ........ المصدة
قالت : كلامك عندنا ........ ما يفيدك
وفارق سنينك تختفي ...... بالمودة
قلبي يحبك والحنايا ............. تريدك
ارحم حبيب مبتلى وباح .......... سده
ارجوك خذني واحضن الشوق بيدك
وقلب يهيم بحبكم ............ لا تصده
ماتدري اني بس اتابع ........ جديدك
واسهر على حرفك بهزله .... وجده
جاك الوكاد وفوق هذا ....... نزيدك
نذر عليه حبكم فاق ................. حده
عشقي حقيقة ما عشقنا .. رصيدك
ولا همني فرق بعمرك .......... تعده
وان عيوا الشيبان وردوا ... حميدك
والله ما عود لو على الدين ..... ردة
قلت : اقبلي لك العهد من وليدك
عمري رجع كنه بعمرك ........... وقده
ياللي زهى لبس القلايد .... بجيدك
عين الوحش ساعة شلع من .. يرده
عندي خبر حبي يخالط .......... وريدك
وحبك بقلبي من غلاي ...... استمده
كانك عنيد بالهوى شف ..... عنيدك
القارظ يتبع منهجك ........... ما يلده

القارظ العنزي

الله الله الله يالعنزي
ابدعت سلاسه وترابط وجزاله
ولا هي غريبه على شاعر متمكن

جاك الوكاد وفوق هذا ....... نزيدك
نذر عليه حبكم فاق ................. حده


صح لسانك مدد بلا عدد
احترامي وتحاياي



؛

صح خفوقك واحساسك ((سفانة)) ، سيدتي الفاضلة سفانة انت ي شخصية فرضت علي نفسها واحترامها في متصفحي المتواضع فلك ي مني كل التحايا من ضمير نقي بالمودة .. يحفظك الرب تعالى

بوح مشاعري وهااج
سلم القلم دوم مبدع

شاعرنااا

تقييم وعجاب

ربي يسعدك

هذا من ذوقك سيدي براق لاهنت

عازفة الحروف كلك مشاعر ولطف تسلمين يا غالية

كانك عنيد بالهوى شف ..... عنيدك
القارظ يتبع منهجك ........... ما يلده

صح لسانك
ابيات جميله مشاعر
وسلاسه ومعنى واعتزاز

تقديري و200مشاركه

صحة انفاسك قلادة طهر وكلك ذوق

،

إيه يالعشق مايفرق بين كبير وصغير
حين تهوى القلوب يسقط كل شي

بليغ أيها العنزي الله لا يهينك يالجزل


العرّاب