((يا بنت ياللي تنشدين القصايد))
 

يا بنت ياللي تنشدين ..... القصايد
لا تنشدين القلب يا بنت وش فيه
قلبي يحبك والغلا دوم ......... زايد
والله هو اللي يعلم غيبي وخافيه
نصيتكم من بين كل ......... البدايد
جيتك على بشرى من الرب يا هيه
واللي وعدني خالقي ... بالوسايد
الحمد لله صار وبانت ........ مواريه
شفنا الجمال وشفنا بيض الخرايد
ودين يغطي ما نقص... بالمشاريه
واهديتني يالترف خير ..... الولايد
ذيب يسلي خاطري يوم ..... اناديه
يشبه ابوي وعزوتي ....... بالنكايد
يا ويل والله بالعرب من .... يعاديه
وفعله ظهر لي يا حسين القلايد
يا حبنا اللي ما نبيعه ، .... ونشريه
خوذي عهد مني بصدق .. الوعايد
انك فلا مثلك بقلبي ........ ومغليه
والرب يشهد يا كثير ....... الحمايد
على الذي بالبال يمك ...... ونخفيه

القارظ العنزي

صح لساااانك
الله الله وافيه وكامله من وافي وكامل

الشاعر. الألق / القارظ
أبيات رائعة غنية و لها آفاق الروح مراحا
جميل أسلوبك جدا
لك في فيافي الشعر بحور لاتمل
تقديري لك

صح بدنك حبر مدري ورق لاهنت

هذا من لطفك ايتها النقاء الفاضلة

أبيات جميلة وسلسه
وتدخل قلوبنا بدون استئذان

ابدعت اخي
وصح بوحك
وسلمت ع القصيدة الجميلة
تقديري وباقةورد

الله يحفظ لنا ولك ...
ويخلي لك هالولد الذيب الصغير ويحفظه لك ...
ويتربى في عزك وتشوفه رجال وسند لك وقت الشدايد ...

قصيده رائعه وعذبة المعاني وجزله ...

صح اللسان وسلم نبض الفؤاد والبنان ...
فالجزل لا يأتي الا بالجزل لله درك ...

لا خلا ولا عدم ...

هلا بك عبير الليل من جديد شرفتي متصفحي بمرورك العطر

ذيب يسلي خاطري يوم ..... اناديه
يشبه ابوي وعزوتي ....... بالنكايد

يخلي لك ذيب وتلتمس نفعه بإذن الله
صح لسانك ياالعنزي
ودام مداد عطاك وحضورك
طبت وطاب حرفك


تحاياي


؛

اللهم امين يا بو ضاوي ويحفظك لك ويصلح لك ذريتك يارب .
شرفتني في مرورك الطيب يا طيب لاهنت