مقــهى البـوح الشـعري ..،، تفضل أرتشف قهوتك

ياكثر ما يفرق حضورك عن الغير
مثل المطر مهما هطل ما اكتفينا .

انت ليلٍ .. تخاطفني عليه المساري
و انا ما جابني لك غير صدق الموده

أحبك جعل حبٍ يجي من بعدك يعاف
وأنا حالفٍ حبك مع الوقت ما أخونه

ليا شفت وجهك والله إن ماعلي خلاف
فلا تنشد اللي شاف غايته وش لونه!

يبدو إن الشوق وصاني عليك وصايه
لا اللقى يشفي غليل ولا المعانق كافي

اذخرني للمقادير وعجاف السنين
والظروف اللي هبوب الزمان تهبها

ابسط حقوقي شجاعٍ مايخيّب ظني
ابلجٍ لامن نصيته قال انا من دونك