سرقه والناس تشوف

أحبتي في الله
السلام عليكم ورحمة الله وبركاته
الله يسعد مساكم بالخير والمسرات حبايب القحم
اليوم كنت في طريقي لأنهاء موضوع زواج
بنتي صولا ولكن الله يغير الأحوال سبحانه
شوفوا ماذا حصل لي واعذروني ؟؟؟؟؟

ركبت دابتي وكنت في طريقي لقبيلة السلاطين من أجل أتمام الإجراءات قبل الزواج لبنتي وسراج ابن مهاوش ولكن حصل ماليس في الحسبان وأضن هذا يستحق أن نؤجل الفرح كم يوم لنرى مشكلة الساحه الراهنه واليكم ماحصل دون زياده ولا نقصان ؟
كنت ادندن ومبسوط وكأن على راسي ريشه طبعاً راكب حمار أعرج والعروس بنتي وصهري ولد الشيخ مهاوش فارس البيد وحامي الديار واثناء الطريق وتلك الدندنه وأذا بصوت صياح تصم له الاآذان وطلب أستغاثه فأنحرفت في زاويه 120 درجه نحو الصوت وصلت وقد صعقت مما رأيت ؟
أم كعشه : تولول وتصيح الحقوني ياناس
الواصل : خير ياتهامية بقعاء وش فيك
أم كعشه : شوف من أعتدى على وعلى غنمي
الواصل : من يكون هذا ياكعيشه
الكعشاء : شوف العراب ومعه ملكة الأحساس والشاعر فهد وبنتك
الصولجان سرقوا غنمي وذهبوا من هذا الأتجاه ههههههه
الواصل : أنتي متأكده ياتهامية الفله قالت افا أنا ما اكذب تتبع أثارهم فهم لايزالون بالقرب منا وتراء سرقوا علي اربعه جفران لبنيه وثلاثه تيوس كنت بهديها بنتك يوم الفرح وثلاث نعاج حلابه يقول العراب هذي ابغاها عندي أيتام وتنفع لهم نحلبها ونطعمهم وملكة الأحساس تنقت أحسن الدجاج البياضه ولطشت 6 حبات ههههههههي تبكي الكعشاء ودموعها غزيره
العراب : لحقت القوم وصحت على الشيخ كبير الحراميه فهد بن محمد ليش وش سوت
لكم الكعشاء حتى تاخذون حلالها هههههههه ضحكته قال وأنت مين ياشيبة عرعر
لايكون أنت وكيل عنها ولا محامي ولا مسوي نفسك فارس عصرك توكل على الله
لاتضيع وقتنا
الواصل : يعني مستعجلين اتركوا ماسرقتم وروحوا قبل لا استنفر عليكم الربع
وينتفونكم تنتيف ههههههه التهاميه مره تضحك ومره تبكي مدري هي جالسه تتفرج
فهد بن محمد : ياقحم العفاريت لاتذينا خلاص كنا نمزح ومادرينا أنك من جن
الحدبه ورانا نبغى نتعشى وانا محتاج تيس للثلاجه
الصولجان : هلا يابوي وش اللي جابك في هذي الساعه ماكنا نتوقع مجيك
تلخبطت البنت ماتدري وش تقول وعينها على الجفران الصغار
ملكة الأحساس : يالواصل أنا اموت في البيض وأحبه وأخذت دجاج بياض وليس
لاحم وأن كان تبغي قيمته تبشر وأن كان تبغون ارجعه ارجعه هذا كله من العراب
اللي سحبنا معه وكان ناوي يودينا نطارد الضبان
الواصل : طيب انتي ومشكلتك أنتهت ياملكه الكعشاء تجملت وبتعطيك ثلاث
دجاجات ورجعي الباقي لها وأنتي ياعروسة سراج وش تقلين
الصولجان : والله يابوي من زمان عن اللحمه وقلت ادور جفران لبنيه لأن مرقتها
يقولون علاج للقولون وتصفي البشره وانا على موعد زواج وعموماً
السبب كله من العراب
العراب : افا ذلحين أصبحت انا السبب وانا جيت وأنتن متفقات على الهجوم على
زربة الكعشاء وطلعتموني أنا السبب هين انا برجع لكعيشه تيوسها واروح ادور
الضبان واخليكم في مشكلتكم مع الواصل والتهاميه هههههه كفو يالعراب كفو
حبر مدري ورق : جاكم يجري من بعيد يريد يقتسم معهم والله ومرحبا بك ياسفاح
التيوس كويس أنك لحقت قبل القسمه وش تبي يالحبيب يقول أن كان فيه شي
لاتنسوني لو بدجاجه المهم ما ارجع بلاش هههههههه
الواصل : ليش أنت جاي ياحبر تفكر أن حلال الناس لعبه تلعبون فيه على كيفكم
التهاميه تعبانه على حلالها تعلف وتسقي وترعى وتربي وتجون على البارد
المستريح تبقون تتقسمون حلالها وهي حيه تسعى وصاحبة أجمل خبزه هههههه
حبر مدري ورق : خلاص ياقحم العفاريت غلطان ومنك السماح خلنا
نشتري منها تويس نحنذه ونتعشى عليه وبحقه ماهو أحسن ياقحم
الواصل : والله انك جبتها تم وش رايك يالكعشاء في كلامنا قالت مادام رجع حلالي
فلكم التيس الأملح اللي قدام وحلال عليكم وبالعافيه كريمه ياناس وتلوموني فيها
اذا قلت التهاميه كريمه

الخاتمه : أنا حبيت اسولف معكم وأغير جو شوي ربما نكسر حاجز الصمت القصه خرافيه ومن خيال القحم ووليدة اللحظه ومن الفرن طازه بس احب أنوه أن قانون أبو نواس يقول اللي يزعل نقص براطمه ويستاهل يبقى بدون براطم وياليت حبر والعراب يزعلون ونريحهم من البراطم اما أنا براطمي ماتستاهل وأحبها وبنتي مقبله على زواج وما اعتقد تفرط في براطمها اما ملكه والتهاميه بكيفهن لكن ما تصلح المره بلابراطم هههههههه تحيات وتقدير محبكم الواصل

الموضوع الأصلي: سرقه والناس تشوف || الكاتب: الواصل || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,