أيامكم والليالي كلها فرح ومسرات من ربٌ كريم وقادر على كل شي أشتقت لكم ولمداعبتكم هيا اضحكوا وشفوا وش عند الواصل اليوم ؟؟
(الواصل وصحن الخس)
يامحبي االواصل تعلمون أنني لا أحب الزحام وخاصة عندما تكون الساحه فيها أعرف مني وأكرم وأنا علومي على قدي هيا اسمعوا ماذا جرى معي ولاتضحكون علي لأني احب الصراحه يوم ليس بعيد وكان الثلاثاء وكان لأحد البنات موعد في فرع الأحوال المدنيه بالأندلس مول بجده ركبنا المصعد قالوا لي اللي معي ريح في هذا الكوفي حتى نخلص ونجيك وبالفعل دخلت هذا الكوفي الذي يتربع في أحد زوايا المول ويفتح على واجهتين شرقيه وشماليه جلست على أحد الكراسي في ركن عليه سياج من الخشب البني اللون واضنه مقنو تطور القحم وأصبح يعرف انواع الخشب والوانه المهم جلست ولم يكن في بالي أي شي مع أني جيعان والوقت وقت فطور لكن توقعت أن الأمر لن يستغرق أكثر من نصف ساعه ونخرج من المول وكانت الساعه العاشره صباحاً انتضرت حتى العاشره والنصف اتصلت على بنياتي وقلن بدري قدامنا سرى كثير قلت يعني أطلب فطور وافطر قلن بالعافيه قمت للكاشير والعامل عليه من الجنسيه الأسيويه قلت اريد فطور كلماته مكسره قال شوف الثلاجه وش اللي تريده طبعاً بلغه لم أفهمها ولكن البركه في شاب وسيم تخر منه الوسامه خريراً وكان يقف بالقرب مني وتولى أمر الترجمه لأني بليد وثقافتي تختلف عن ثقافته قال لي الشاب وش تريد ياعم قلت فيه طبق سلطه أعجبني واريد قطعة كيك أو قاتوه ومشروب ساخن تكلم مع عامل الكاشير وجاب لي الطلبات قلت كم الحساب ياباشه قام يطقطق على ماكينة الحساب وقال اريد منك (53) ريال صعقت عند سماع ذلك قلت له ياشيخ اتق الله ورقة خس وقطعة كاتوه بهذا المبلغ مع أن كرتون الخس بعشرين ريال ويكفي شهر أكل كل يوم قال هذا سعر شركه والقهوة ياساتر يقول قهوة مفلتره ولايوجد مثلها في كل جده استحيت من المترجم ذاك الشاب الذي كان بأمكانه أن يحاسب عني قلت أفا الدراهم في الجيب والشيطان ملعون لكن معقول هذي الأسعار ماعليها رقيب ولا حسيب قال وش تعمل ياعمي بطنك يستاهل ويخسى الجوع وهي مره واحده ولن تعود لهذا المكان قلت صدقت والله حاسبت ويدي ترتجف لكبر المبلغ وقلة الفطور المهم رجعت على كرسيي وتناولت الشوكه وبدأت بالخس لأني نباتي ههههه ورجعت على القهوة المفلتره والحمد لله كأني أشرب قطران تركتها ولم استمر في أحتساءها وقطعة القاتوه التي فيها حلا زياده أخذت منها براس الشوكه وتركتها وراحت فلوسي كلها في خس والله حاله يالربع أن اشتكيت قالوا مالك وماله وليش تتعلق نفسك في خس في الأندلس مول ما تدور مكان يبيعون فيه بالكيلو وتاكل الين تشبع مليت من الجلسه الساعه الثانية عشر جو البنات وأخوهم وخرجنا من المول قالو أشفيك متكدر الخاطر قلت لهم على قصة الخس ضحكوا علي وقالوا ماتعرف أنك في الأندلس مول ليش ما دخلت هايبر بنده واشتريت لك خس وخيار وطماطم يمكن بعشره ريالات وكل حتى تشبع وكاسه شاهي أخضر بلا سكر ويادار مادخلك شر المهم هذا ماحصل خرجنا من الباب نريد السياره كان فيه مزلقان للعربات ناعم ماشفته زلقت وطحت وانكسرت نظارتي وحالتي حاله لا سلمت الخساره ولا سلمت الطيحه ولا شبعت من الفطور الورقي وش رايكم في علوم الواصل وشتقولون لمن يرتاد هذه الأماكن ياكل ويشرب ولا يصبر اللين يرجع بيته ولا في أقرب مكان من المول والله القحم وسوالفه تضحك كان عند جدتي نعجه وكانت تسميها خميسه وتاكل خس كثير مدري أضن أنها عدوى من نعجة جدتي دمتم في خير وعافيه والله لايحدنا ولا يحدكم على من لايخاف الله ولايرحمنا تمنيت أن القى الشيخ العراب في المول ويحاسب عني ولا بنتي الحولا مع أنها بخيله لكن يمكن تاخذها بي الشفقه ههههههه خرابيط الواصل
03-12-2018, 05:44 PM
الواصل وصحن الخس
المواضيع المتشابهه
العرض الشجري