لا سامح الله

لا بارك الله نافخ الكير والكير
ولا سامح الله من جلس في جواره

ان كانها حملة خيابه وتدشير
فالله يرد الشر ويطفي شراره

كنا نرحب عادة بالمسايير
لكن مهي ترحيبة للقشاره

لا لايغرك لو تصف الطوابير
وقفاتهم هذي تراها خساره

مقياسنا ماهو حضور الطراطير
لكن حضور اهل الفكر والحضاره

من لا يعرف الصقر يشويه كالطير
ومن لا استحى شق الذرا والستاره

قد شفت حر صاد صيده صراصير
او حول من الحوم من شان فاره

والله ولولا بس بعض المناعير
اللي حفظ عندي وعنده وقاره

اني لا ابينها بكل التفاسير
وارميك فالصندوق عقب الغماره

كنك وكيل بليس تكتب تقارير
او مثل ظله تتبعه في مساره

اشره على ناس أتوسم بها خير
تمدح كلام فيه بعض العهاره

اللي تربي في بيوت المسافير
ما يشبه اللي من بيوت .......

هذي رساله او تسميه تحذير
والحر غيرك يفتهم بالاشاره

الموضوع الأصلي: لا سامح الله || الكاتب: ساري || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,