ماتت النخوه بكاسات النخب !

أتمنى ترتقي لقلوبكم ..


*
*
*

حظ من هو لو بغى يكتب كتب
عن شعوره دون ماجرحه يسيل ..!

ليت شعري يكتب بماي الذهب ..
او يمر قلبوكم كـ السلسبيل ..

كنت اضحك لو تمر كلمة صعب ..!
كنت اجهل ويش يعني مستحيل ..!

لا تحملني.... وانا كلي تعب ..
تعرف ان حملي على كتفي ثقيل ..!

بين شغل ونوم / اكلات وصخب ..!
لا جديد ونمضي لـ يوم الرحيل ..

بين يمكن.. احتمال.. ابلا سبب ..!
ايتحقق حلم اشبه بالقتيل ..

ي صديقي لو بقى عندي طلب ...
اسمع ابياتي وعذراً لو اطيل ..

من قلوب الناس كم شفنا العجب ..
ناس تجحد ناس ياما والدليل ..

كم رفعنا ناس كانت بـ الذنب ..
وما لقينا غير هالبغض الجزيل ..

كم عطينا دون منه او طلب ..
وما خذينا غير نكران الجميل ..

امتلاء قلبي من الواقع عتب ..
وما لقيت لصادق احساسي بديل ..

صرت احس ان الهدوء اجمل طرب ..
صرت متصالح مع روحي نبيل .

كنت اتمادى ولا رضى انسحب ..
لو بقى من جيش شطرنجي القليل !


الذكي اللي على ناسه كذب ..!
والغني اللي بأمواله بخيل ..!

الوقاحه شوهت معنى الأدب ..
والفصاحه تائهه ابلا دليل ..

السياسيه ملت اصداء الخطب ..
والتعاسه تعيش فينا بكل جيل ..

كل ماسمع نشرة أخبار وحرب ..
يبتدي حزني مع الليل الطويل ..

في بداية جمعهم ( كلهم عرب )
وفي النهايه نصهم خاين عميل ..

راحت القدس الحبيبه مع حلب ..
وكل حاكم يتقن فنون العويل ..!

ذاك استنكر وندد او شجب ..
ذاك يكذب ما درو انه ذليل ..

ماتت النخوه بكاسات النخب ..
والليالي الفاتنه واحلى جديل ..

ويش بقى اكثر من اللي انكتب​ ..!؟
والمعاني تنوح وجروحي تسيل ..!!

وكان تبغى تفوز في اعلى الرتب ..
اعبد الخالق.. وعنه لا تميل ..



لـ ولـه .

الموضوع الأصلي: ماتت النخوه بكاسات النخب ! || الكاتب: وله || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,