حلاوة نهر

اول ظروف المواصل ماعليها عتاب
ملامح السر تظهرها عيون الجهر

من سابق الوقت والضحكه ورا كل ناب
دليل عفوي على توت الثنايا ظهر

تطمني يا مشاعرنا بطول الغياب
لازم يغيب القمر ف اخر ليال الشهر

وانا ادري عيوننا ماتعترف بالحساب
الا حساب النجوم ليا طرقها السهر

ماشال هم الغياب الا عزيز الجناب
اللي ليا غاب غالي خافقه ينصهر

دايم جريح الهوى لو ينستر بالثياب
ملامحه تظهر انه في مراحل قهر

والحب لا حط له بين المحاديب باب
يزرع ورا الباب بستانين ورد وزهر

ومواصل الود قطعه من عروق السحاب
والا شفايفك رويانه حلاوة نهر

فيها من الزين ما عدّل رقاب الركاب
متجمله بالدلع ومكمله بالطهر

و لو افطر ب حبها صكيت باب العذاب
ومن الطبيعي بصوم الحب كل الدهر

واللي تجي من نصيبه مكتمل بالنصاب
ماعاد يدفع ورا زين العذارى مهر

سلطانه ,عبدالعزيز الفوزان ,نجلاء و 8 آخرون معجبون بهذا

نهاب ,تهانى العامر ,غموض ,عبد العزيز البداح ,مهاا ,مهابه ,قيثاره ,عبدالله

الموضوع الأصلي: حلاوة نهر || الكاتب: رويم || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,