مقــهى البـوح الشـعري ..،، تفضل أرتشف قهوتك

كل حزهـ .. وأنت مابين عيني والهدب

تقول نوال:
‏طمني انت اشتقت لي؟

‏رد عبدالمجيد_عبدالله :
‏مشتاق لك و الشوق فيني يضاهي
بُعد المسافه بين كفي وكفوفك

ليت الحياه كلها مطر،وغيم، وأنت

اطيّب من الكلمه اللي مالها داعي
الصده اللي تبيّض وجه راعيها .

على الشباك في بالي كثير من الفضول يدور
يا كيف تضيق في عيني دروبي و الفجوج وساع ؟

مادمت ناعس هدّب تسهر عيونك ليه؟
خل السَّهر لي، وأهدابك على فالها


–مساعد الرشيدي

أصحابنا ما تغيرهم ظروف الليال
حنا نعرف الليال .. ونعرف أصحابنا .

تجود النفوس اللي من الأصل فيها جود
ويقدم على الجزلات من يعشق الجزله .

انا في رجا اللي مابعد خاب من يرجيه
يحل الفرج في ساعة الضيق والشده '

ياربّ .. يارب الرضا والجنّه
‏النفس عن حب الحياة إصرفها

‏ويا جعل نفسي دايمًا ممتنّه
‏لأفضالك اللي بعضها ما أعرفها

‏والكلمة اللي ماهي بـ منعنّه
‏ماتطرق ببالي ولا أسولفها

‏والوقفة اللي في طرفها منّه
‏ماهي توقَّف لي .. ولا أوقّفها "