مقــهى البـوح الشـعري ..،، تفضل أرتشف قهوتك

لو أمدح الصدف على مر الايام
ما ألحق جزاها يوم فيك أجمعتني

قال خالد مبارك :
بعض المشاعر نطلعها نبيها تموت
ونموت منها مية مره وهي عايشه.

لهفة العاشق تجيبه بـ نزعات إنتقام
إعذريني كل ماجيت جيّة معتدي "

مرحبا بك في مداهيل قلب ما وطاه الا انت
يا اغلى من وطّى حبه جال قلبي وشريانه .

شفق على همسةٍ كنها نسيم البراد
وصوتٍ عسى تبطي الايام به ما هما

يكسـر عنـادي لا قـال عشـانـي ..!
يدري ان شانه دون المخاليق غير

العمر يومين ماهو بـ خلدٍ ما يزول
والفرص هي لذة العمر والباقي سدا

والسنين تروح والعمر يقصر ما يطول
و الزمن يجري ولا هاد لحظاتٍ عدا

والله اني*مابعد عشت بأنصاف الحلول
ماتهيأ منه أخذته .. وما اقفى به فدا

مقبلات الليالي عند الله ،،، خبرها

يقول عياده بن طواله
هبوب الشتاء ومسامر الليل والافكار
تخيّم على قلبي …وتستلهم طروقه

وانا كل ماشبيت من حر جوفي نار
اصالي لهيب النار والقلب وعروقه.

نصيحة الليلة وكل ليل :
لا تجمّل وانت عينك لـ مردود الجميل
سالفه " هاكم ، عطوني " مانيب احبها