مقــهى البـوح الشـعري ..،، تفضل أرتشف قهوتك

ما فيه ناسٍ من الاوجاع مرتاحه
والصبر في مثلها .. من ربنا منحه .

لولا التعب مـا عرفنا قيمة الراحه
ولولا المرض ماعرفنا قيمة الصحه.


ياارب أشفي مرضانا ومرضى المسلمين

والله مامثل التوكل على الله
يملا لك الدنيا سعادة وتوفيق

واللي يردد دايم أستغفر الله
تلقاه مايدري عن الهم والضيق.


استغفر الله

على نعمة الله نحمد الله صباح وليل
و لو ما ملكنا غير .. عفوه .. وعافيته.


الحمد الله

ياعسى المدلهم اللي يذعذع نسيمه
مايجنّب قبورٍ .. طيب الله ثراها.

‎ياحظ من حط ذكر الله لجوفه رفيق
زهداً بالابواب فاتحها ومقفولها

الارض لله والانسان حرً طليق
والله يحاسب عباد الله بفعولها

يارب لا تختبر نفسي بما لا تطيق
ورضاك يارب غايتها ومدلولها

الحمد لك والثناء اللي في جلالك يليق
يالله عفوك ومغفرتك وماحولها ..



اااميييييين

أنت السميع لمن حمد وأنت المزيد لمن شكر.
واللي ما يشكر نعمة المنعم عليه تزولها.

احب نفسي لاعذرت اللي مهو وجه معذور
واحب نفسي لا تركت عرض العرب واسرارها

واخاف من يوم الرحيل ويوم تنبيش القبور
كثر ما اخاف من الذنوب كبارها وصغارها

يارب وان صمنا عن الشرب والزاد
تصوم عن عرض العباد . . ألسنتنا.


يااارب

يالله ياللي بذكرك ينشرح صدري
اغفر خطا عبدك اللي في يديك أمره

يشفق على يومه المقبل .. ولا يدري
أن كل يومٍ جديد يمر من عمره.

فيك الرجاوي يا إلهي ما تخيب
أنت الستر يا خالقي وانت الذرا

اغفر ذنوبي كلها عن ظهر غيب
أنا ، وابي ، وأمي وكل منهو قرا.


آااميييين