مقــهى البـوح الشـعري ..،، تفضل أرتشف قهوتك

شعار هالمرحلة
الدرب ما يبغى ضعيف البصر هزاع العزوم
اللي يهرول في السعه ويضيع حزات العسر.

ليه أوقّف على بيبان غيرك ؟ وأنا ..
ما بعد جيتك بحاجة وردّيتني.

الذكريات أجساد خلف الكواليس
تعيش معنا أطياف تعطي وتاخذ ..

حق هقواتي على أوهامي ..

استاذن العصر وانقادت خيوط الظلام
والليل تو ما استوى بشته على منكبه

الليل ستر الفضاء والطيب ستر النظام
والصمت ستر الشعور الا على المنتبه

اما وجود يلوي ذراع الغياب
والا غيابٍ يفضح الوصل الكذوب.

الحقيقة
يوم مرتني حياتي كلها ماشفت ،،، غيرك
انت صورة كل مشهد وانت قصة كل ليلة .

الأمر بين الفضيلة والرياء اختلط
رغم التقدم رجعنا باختلاطه ورا

مقياس مدح الأوادم للأوادم غلط
يامادحين المذرّا .. ناكرين الذرا

لو شبهوني في حضوري بـ هالنـاس
أغيب .. والدنيا تبين لهم فـروقي

كل ماسمعت بقولة : العِرق دساس
قمت أحمد الله .. في سلايل عروقي".

كم اتمنى يا " مجملة الجُمَل "
لو ما على نياتكم .. ستر و غطى

على كثر .. ( مابرر ) ابليا زلل..!
تذبذب احساسي و فشعوري بطى

ماينفع الواعي مطاولة الجدل
مع عقولٍ*... مالها أخذ وعطى

اللي يبي يفهم عدل .. يفهم عدل
واللي يبي يفهم خطى يفهم خطى ..!