بدريآت البــدر \ مهندس الكلمة

.
.



تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره

أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره

تخير غير هذي الأرض .. مكان به تواعدني
تخير لك مكان صعب .. أعرف فيوم تقديره

عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعور صعب تفسيره

.
.

كانت اجمل من خياله .. كانت انظر ..
كانت اكثر .. من أماني عمره الظامي حنين ..
واختفت .. من كساها الليل باللون الحزين ..
اختفت في الطريق اللي معه..
كانت تجيه ..

.
.

/
وليلٍ ملا قلبي .. ظلامه يروعي
ما هوب صدري .. ذي مداهيل الآهات
وماهوب جفني .. ذي مقابر دموعي

/


:

.

.

\


عشقت الليل من شـــانه ونسـمة نجد ودلاله
ومن ذاق الهنا في قربه جميع الكون يحلاله
عشقت الليل أنا عشقته ..

عشقت الليل ونجومــه بتشهد والقمر شاهد
وأنا وأنت في سترالليل أعـــاهد وأنت بتعاهد
وقلنا يا ليلنا اشتقنا
عشقت الليل أناعشقته

يا ليل الحب يا غالي يا جامعنا وحنا بـعـيــد
تلطف حمل النسـمة بهمسه تمر فوق الجيد
وقل له يا ليلنا اشتقنا
وعشقت الليل أنا عشقته

يا نسمة داعبي شعره وردي لي شــذى منه
وقولي له عن أخباري وجيبي لي الخبر عنه
وقول له يا ليلنا اشتقنا
عشقت الليل أنا عشقته .

.
.

/


عندي هموم القصيدة .. غامضة .. صعبة .. عنيده ..

وانت عاشق للوضوح ..

يتعبك بحري ظلامي ..

ودك بسري أبوح .. وانا آخر همي بوح ..

تكفى لا تزيد فـ خصامي .. وقلي ما تفهم كلامي ..

.
.

.




مشتاق ودي أصافحك..
عيت يدي لامدها...
آه. .يا لجراح .. راح اللي راح ..
وراحتي .. من يا ترى بيردها ..

.
.

.




مدري انا ابكي عليك من العذاب او ابتسم..

صدقني في يأسي .. نفسي تبي نفسي تبيك ..

.
.


.


ما لنا وقت .. وقتنا دايم يجي

الزمان اللي يروح ..

وان سألتيني أحبك ..

كثر ما تشفى الجروح ..

اشطبيني الف ذكرى .. واكتبي ..

اللي يتذكر .. غبي

واللي ما ينسى غبي

ودي اشوفك .. باقي لحظه

هذا كل اللي أبي ..

.

يطري عليه الوله .. وأطري على باله

يامرحبا لاضوى خلي على بابي
هجيت حدب الضلوع ونوخ جماله
لاجله بكت دمعتي ولأجله ضحك نابي
وكل ما ضحك لي لمحت النور في آماله
والى تجهم سترت السقم بثيابي
وكل ما شكى من عنى همه وغرباله
أقول لعل به جرحٍ من أسبابي
طال الحكي ما لقيت الوصل بوصاله
لاني حبيبه ولا هو أقرب اصحابي
ناديت طاري المحبه مالنا وماله
بالحيل أنا وانت ربع وكننا أغرابي
يا زين كانك حزين .. فحالتي حاله
بكفيك همك وأنا بصبر على مابي
لو الشجر له نصيب فـ بارد ظلاله
ماحرق القيض جفني وأنت فـ أهدابي