ياعيد كيف العيد من دون الاحبـاب

ياعيد كيف العيد من دون الاحبـاب=وجدي عليهم وجـد غالـي لغالـي
قلبي على فرقـا عزيزيـن منصـاب=فيك الفـرح ياعيـد ماقـد طرالـي
ضاقت بي الدنيا ولا طـب ينجـاب=والعين تـذرف دمعهـا مـا تبالـي
ياوجد منهو في ذرا الليـل مرتـاب=يدرا همومـه فـوق روس الجبالـي
ياعيد ليت الموت ما غيّـب اقـراب=في فقدهـم غابـت نجـوم الليالـي
يوم اتذكّر جلسة(ن) نارهـا شـاب=فيها الكرام جلوس عـم(ن) وخالـي
واليوم سجّل فـي سجلاتـك غيـاب=منهـو تطـوّا بالثـرى والكفـالـي
ياكم فقدنا فـي ذرا الوقـت احبـاب=في كل عيـد يهّـل غـاب الهلالـي
حكم الزمان يتمّ ثـم يشعـل الهـاب=داخل خفوق(ن) سرفقتـه المحالـي
ياعيد كيف تهـلّ والقلـب متعـاب=والحـزن داخـل خافقـي لا يزالـي
في هاجسي ما عاد بضرب لك حساب=دام الفـراق يسـنّ سهمـه قبالـي
حالي معاك اليـوم ماعنـه مجنـاب=عجـزت ابنسـى طيّبيـن السبالـي
ياعيد فرحـك بالشقـى داخلـي ذاب=جال بصداها مـا يفـوق احتمالـي
وان جيت ابفرح فرحتي لوم وعتاب=كنّـي سجيـن(ن) كتّفتـه الحبالـي
دمعي على خدي وياصـل للاهـداب=يـوم اتذكّـر صافـيـات الليـالـي
انا اشهد ان الموت للحـزن جـلاّب=ما ينعرف له وقت ولا لـه ضلالـي

الموضوع الأصلي: ياعيد كيف العيد من دون الاحبـاب || الكاتب: L!on || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,

...


قصيد يسر الخاطر صح لسانك
واعتلاء شانك ..


بارك الله فيك ولَك الطيب ..
وكل عام وانت بصحه وسلام ..

...

ياعيد فرحـك بالشقـى داخلـي ذاب=جال بصداها مـا يفـوق احتمالـي
وان جيت ابفرح فرحتي لوم وعتاب=كنّـي سجيـن(ن) كتّفتـه الحبالـي
دمعي على خدي وياصـل للاهـداب=يـوم اتذكّـر صافـيـات الليـالـي
انا اشهد ان الموت للحـزن جـلاّب=ما ينعرف له وقت ولا لـه ضلالـي


الله الله الله
قصيده جميله سكبها قلمك المبدع
صح لسانك وإحساسك المذهل
وكل عام وانت بخير يارب
لك ورد يشبهك

كافيه ووافيه ..
صح لسانك وحي الله النبض ..

صح لسانك
ابيات وافيه وكل مافيها مكتمل
من كل شي
مليئه جمال..!

صح لسانك وعلا شانك ..

قصيدة جميلة تبث الذكرى
يتخللها عذوبة مرافقه لحرفك وجمال بقصيدتك
كل عام وأنت بخير ......

صح لسانك وسلم بوحك واحساسك يانقي ابدععت وخالقي

.



..

قصيدة جميلة
اسعدك الله.. ودمت سالما
الله يعطيك العافيه
صح نصك


تحياتي

ياعيد فرحـك بالشقـى داخلـي ذاب=جال بصداها مـا يفـوق احتمالـي
وان جيت ابفرح فرحتي لوم وعتاب=كنّـي سجيـن(ن) كتّفتـه الحبالـي


معايده

مبطنه بالحب والعتاب والحنين

قصيده جميله