أطباقي اللذيذة ، سوشي + حلا ❥

مساكم مواهب ،،


طبعاً اللي ماتعرفونه اني بتاع كلو ،، يعني متعددة المواهب و اعرف اطبخ :96: <- لا ياشيخه
و بما ان رمضان بيشرفنا الله يبلغنا اياه على خير و بين احبابنا ،،

اعطيكم هالوصفتين
:51:

الطبق الاول : سوشي

المقادير :

ورق عنب

صدور دجاج

جزر

فلفل رومي

رز مصري

،،

نقطع الفلفل الرومي و الجزر و الدجاج طويل طويل <- تكلم الشغاله خخخ

و نسلق كاس رز مصري على كاسين مويه ،، طبعاً نحط الملح ،،

نحط اربع ورقات من ورق العنب بالشكل اللي انتو شايفينه ،،

و نحط الرز و الفلفل الرومي و الجزر و الدجاج ،، و نلفها رول ، ننتبه اننا نقفل جوانبها ،،

قبل ما انسى : الرز بعد ما ينسلق ،، حطو عليه شوي خل ، و فلفل اسود

نجهز الصينيه اللي بنرص فيها رولات السوشي ،، و نغلفها بالبطاطس و البصل

حتى جوانب الصينيه

و تطلع بذا الشكل ،،

نجهز السقو او الصوص ،،

مقاديره:

٢ كاس مويه حاره

مكعب ماجي

ربع كاس عصير ليمون

ملعقه كبيره دبس الرمان

و نحطه على رولات ورق العنب ،، و نغطي الصينيه بقصدير و نحطها ف حمام مائي

و ندخلها الفرن لمده ساعه ،، او ساعه الا ربع ،،

بعد ما نطلعها من الفرن و تبرد شوي ،، عشان تقدرون تقطعونها ،،

لازم السكين تكون حاده مره او السكين المشرشره <- تقولون مشرشره زينا

و تطلع بذا الشكل ،،

..

الطبق الثاني : حلا نوره <- ما تدري وش تسميه خخخ

المقادير :

بسكوت دايجستف

٣ قشطات

ربع كاس مويه

٦ حبات جبنه كيري

٣ ملاعق حليب بودره

٤ ملاعق سكر

نخلط الـ كيري + حليب + سكر + ٢ قشطه ،، الين يتجانس الخليط ،،

،،

نطحن ٣٠ بسكوته من الدايجستف ،،

نعجن الدايجستف المطحون مع علبة قشطه و شوي مويه اقل من ربع الكاس ،،

وبعدين نحطه ف صينية القوالب ،، و ندخله الفرن الين يتماسك البسكوت ،، و نطلعه <- لا و الله خخ

بعدين نكسر بسكوت الاوريو قطع صغيره على قد القالب ،،

و بعدين فوقه نحط الخليط الابيض ،،

هذي الصوره صورتها بنتي ،،

و هذا شكله النهائي ،،

و بكذا انتهيت ،، ان شاءالله تعجبكم طبخاتي ،،

،،

الموضوع الأصلي: أطباقي اللذيذة ، سوشي + حلا ❥ || الكاتب: آلنور || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,