مقــهى البـوح الشـعري ..،، تفضل أرتشف قهوتك

ان وقفتي كل الاغصان مالت عود عود
و ان مشيتي كل شبر من القاع انتبه

وان رضيتي يقطع السيل مع لبة نفود
وان زعلتي يزحف الكون لك على ركبه ".

( امي )

احرص على الشيبان ياللي تجيهم
ترى كبير السن .. يفرح بمن جاه

لكن طلبتك .. لاتسولف عليهم
هذا دنى موته .. وهذا دفناه

تثر عليهم .. عبرة تحتريهم
على زمان فات وأقفت مطاياه

سولف بعلم يبهج الروح فيهم
هذا فزعنا له …. وهذا نخيناه

الحياة الفانية كلها نقطة عبور
ليه اعلق حبل الآمال في حبل الرجا ؟

اترك العالم تنافس على حب الظهور
و اظهر بوجهٍ يبيّن لو انه في دجا

الكلمه الصادقه .. لو تجرح المخطي
احسن من الكذبه اللي تستر عيوبه !

تركض بنا الدنيا على خف وجناح
والعمر ينقص والليالي مقافـــي

لذاتها تشبه سنا البـــرق لا لاح
وصكاتها مثل السيوف الرهافي

و لا لي بالبشر غاية ولا لي بالثرى أوتاد
خفوقي حر و أتبع ما يعز النفس و أرضيها

تركت أحلام واجد لأنها في ناظري أقیاد
و أنا ما أرضى القيود اللي تشل الروح بيديها