مقــهى البـوح الشـعري ..،، تفضل أرتشف قهوتك

يالله بدعوه صادقه من ظهر غيب
من واحدٍ محبته لك " من الله " .

تفتح لك ابواب السماء والدواليب
وتظلك بيوم الحشر تحت ظله

دعوة محب ما وراها مطاليب
من قلب مؤمن لاخطا أستغفر الله .

يااارب

ابوس يمنى كفك اللي كان لأيامي عمر
كفٍ حشمني عن غثى الدنيا و عيني غارقه


أمــي

والله ياقلبي معك مليااان .. سرور ومسرة

يقول محمد السكران :
ماجاب لي علم؟ ماسولف لكم عني؟
ماشفتو الحزن في وجهه وناصيته
وثم قال :
لا يدري اني نشدت وجبت له طاري،
و لا يدري اني ذكرت اسمه وخصيته .

‎كيف ارد العزيمة ؟ من طرفك المبجّل _
‎وصوتك يسر سمع ووجهك يسر خاطر

من أخر لقى .. وعيونك مافارقت بالي

أنا لو حطّوا الدنيا بعيني عشان اجفاك
تركت العين و الدنيا وجيتك فاقدٍ شوفي.

امدحوا الطيب وخلوه ياصل للجدي
وصلوه ووصلوا مع نباه (رسالته)

ماهو ب لا مات قلتوا ترا كفه ندي!
وفي حياته ما نشدتوه وش هي حالته

ترفعون الناقص اللي عدا فينا*.. عديّ
نزلوه في منزله ثم عطوه .. نزالته

والله أن الأرض سوت جميلة فالردي
يوم مانقدر نشيله هي اللي شالته

ريح المطر جدد حنين الفاقدين !
كلن توجہ ناظره يم السمآ -

كلن تذكر في حياته مبعدين -
القاع ممطوره ودآخلهم ضمّآ.

ألحفك المحبة الين تدفى بارد كفوفك





خبني بين الضلوع أن كان مافيها كلافه