مقــهى البـوح الشـعري ..،، تفضل أرتشف قهوتك

يقول سعد علوش :
العلاقة مع الأوادم ترى فيها رسوم..
من وداعك تنحسب لك على تسليمتك..

لاعطيت اي شخص قيمته ما يلحقك لوم..
اي (قيمة زايده) تنخصم من قيمتك

يقول محمد مبارك :
الهايم اللي يكافح نظرة عيونه
ودّه يعوّد على ظروفه يكافحها

لو يقدر يشيل ضلع طويق بمتونه
مايقدر يشيل عينه من ملامحها.

يقول مبارك بن رادعه :
ما يستفزّ الركود الا هبوب البراد
ولا يستفز القلوب الا غياب الوجيه

يقول محمد المقحم :
تركت الهوى والحب والشوق والوجدان
ولكن قلبي ما بعد نسي عاداته

انا كني اللي توه مخلي الدخان
الى من سهى دخِّل يدينه في مخباته

تعبت اهرب من الذكرى ومثلك ذكرياته : ظل
لو أن الارض تركض تحت رجلي ما تعداني

بدا ليل الشتاء يرسل مناديبه على الملهوف
هلا بـ اقسى مسايير السنه واغلى مساييري

انا ادري ماوراك الا المتاعب والسهر و والخوف
وحنينٍ يشعل أكوام الحطب في وسط تفكيري .

يقول سعد علوش
أحسب إنّي معك واصلٍ حدودٍ بعيده
وأثرني راكض لحالي .. وواصل لحالي

أجمل العتاب :
اذا عتاب الوله حجه
ترى ذنب الوله مغفور

والله أني ستر وجهة ومقدام وذرى ..

من الاستثناءات الفريدة :

استثناء التعبير :
يوم غيرك يبي منّي .. ولو ربع كلمة
كنت أسنّد عليك السالفة والقصيدة
؛
استثناء المكانة :
أفرش لك صدري.. وطن، وأجمع من ضلوعيّ
شعوب وأرقى لك مكانه محدٍ قدر يرقى لها
؛
استثناء الجروح :
غيرك من الناس يحسن ولا يلقى قبول
وانت حتّى يوم تجرح .. أردد لك فدا.