مقــهى البـوح الشـعري ..،، تفضل أرتشف قهوتك

على أطراف الديار اللي بأهلها ماجمعني عِرق
عليها الشوق يثني خاطري والريح تامر بي .

ملكتني بالغلا وازريت لا ردك
مايقدر يعاند المستأجر المالك

حتى لو تصد ما اجازيك في صدك
ومن كثر ما اغليك اعادي من تعادا لك.

أنا ظلّك ، و أنا كلّك ، و أنا مشوارك المعهود
من أضغاث الحياة القاسية لـ أحضان ضحكاتك.

كل ماجانا مطر والقاع تقبل صبّه
قلت ياربي وأنا عبدك لاتخليني

واحفظ اللي والله إن اموت وأنا أحبه
واغفر ذنوبي وخله لي ولا تشقيني.

يـا عسى كل مـا شديت تلحقك ، ديمه
و وين ما جيت لك ديرة يرشرش مطرها.

وانا لولا مشاعرنا وضحكة وجهك البرّاق
جفيت الشعر ودروب الكلام وماتت أحلامي

والله ان عذرك سمين ورد عذرك والم
وان مواطيها على قلبي مواطي ريشة ٰ

الهوى جاب الغلا والهوى ودا.
وأنت وجروح الزمن بالحشا خشره.

يابعد من مابعد جا ومن هدا.
ويابعد من ساج روض الحشا نشره.

والله إنك بالغلا فارقٍ جدّا
مثل فرق الإبتسامة عن الكشره

رفيقٍ ليا لدت،،،عيون. الشدايد ،،،لي
شلع كنه اللي نازعٍ من شواهيقه.

الله الي حط لك في العين صوره
والله إن يمحا نظرها ما محيتك .