( مغلق نهائي من وزير القنآعه )

مساكم / صباحكم سعاده..

جديد وحصري / أتمنى ترتقي لقلوبكم ..




ياللي تغيبي عن مدى ناظري اسبوع ..
والوصل سآعه.. ويش أسوي بسآعه !؟


مدري أسولف لك عن الشوق واللوع ..
والا أضمك ضم بعد القطآعه ..


عطشآن كآسك.. الا ميت من الجوع ..
جآعت أحآسيسي لحد المجآعه ..


يلا خذيني مثل تايه و مقطوع ..
ماله أحد يوقف معه في صراعه ..


تعبت أنور لك من أحزاني اشموع ..
و أنتي آنيقه تهجرين ببرآعه ..


الشوق فآضح كن بالعين مطبوع ..
( الاخ عآشق مبتلي يا جمآعه )


والشيب بين لكن الراس مرفوع ..
مانا كبير السن يندب ضيآعه ..


لا تحسبي في غيبتك اذرف ادموع ..
ولوهو وصلك شي.. مجرد إشآعه ..


ولا تحلمين أصير تآبع لمتبوع ..
وانا عقيد القوم / صعب إنصيآعه ..


عشقي لعينك حق للقلب مشروع ..
حتى ولو ضيع في بحرك شراعه ..


وان كان مآ جيتي وهالصوت مسموع ..
بهديك بيت وطالبك في سمآعه ..


قررت أكتب فوق هالقلب ممنوع
( مغلق نهائي من وزير القنآعه )




بوح وله ..

الموضوع الأصلي: ( مغلق نهائي من وزير القنآعه ) || الكاتب: وله || المصدر: منتديات أمل عمري

www.a-3amry.com

أمل عمري

منارة الناسك , نبض الطاولة , نبض الطاولة , نبض الطاولة , فعاليات , فعاليات , حصريات , إيقاع الشعر والنثر , شرفة الذائقة , أسراب الهذيان , مدونات , حكواتي , هودج الأنثى , الرياضه , عيادة الأمل , ومضات الألبوم , همسة العدسة , دروب اليوتيوب , دروب اليوتيوب , دروب اليوتيوب ,